பாராளுமன்றத் தேர்தல் நெருங்கும் காலத்தில் புதிய பூதமாக தேர்தல் பத்திரம் விவகாரம் கிளம்பியுள்ளது. அதாவது, அரசியல் காட்சிகள் நன்கொடை பெறுவதை தேர்தல் பத்திரம் மூலமாக நடைமுறைப் படுத்திக்கொள்ள மத்திய அரசு தேர்தல் பத்திரம் என்ற திட்டத்தை அறிமுகம் செய்தது. இதன்படி, தேசிய மற்றும் மாநில கட்சிகளுக்கு நன்கொடை வழங்க விரும்புவோர் இந்த தேர்தல் பத்திரங்களை வாங்கி – அதனை அரசியல் கட்சிகளுக்கு அளிக்கலாம். இந்த பத்திரத்தை வங்கியிடம் கொடுத்து கட்சிகள் பணம் பெற்றுக்கொள்ளலாம். சமீபத்தில் இந்த நடைமுறையை உச்சநீதிமன்றம் ரத்து செய்து இதுவரை வாங்கப்பட்டுள்ள தேர்தல் பத்திரங்களின் விவரங்களை பாரத ஸ்டேட் வங்கியை வெளியிடக்கூறியது.
இந்நிலையில், அரசியல் கட்சிகளுக்கு விற்பனை செய்யப்பட்ட தேர்தல் பத்திரங்கள் மற்றும் அந்த பத்திரங்களை பணமாக மாற்றிய கட்சிகள் தொடர்பான விவரங்களை பாரத ஸ்டேட் வங்கி சமர்ப்பித்தது. அந்த விவரங்களை தற்போது தேர்தல் ஆணையம் வெளியிட்டுள்ளது..
இந்த புள்ளிவிவரத்தின்படி, 2019-ம் ஆண்டு ஏப்ரல் மாதம் முதல் 2024-ம் ஆண்டு ஜனவரி மாதம் வரையிலான காலகட்டத்தில் அதிகபட்சமாக, பா.ஜ.க. ரூ.6,060.51 கோடி நிதி திரட்டியுள்ளது. மற்ற தேசிய கட்சிகளான காங்கிரஸ் கட்சி ரூ.1,421.86 கோடியும், ஆம் ஆத்மி கட்சி ரூ.65.45 கோடியும் நிதி பெற்றுள்ளது.
இதேபோல், தேர்தல் பத்திரங்கள் மூலம் பிராந்திய / மாநிலக் கட்சிகள் மொத்தம் ரூ.5,221 கோடி நிதி பெற்றுள்ளன. நிதி திரட்டிய பிராந்திய கட்சிகளின் விவரம் கீழ்வருமாறு:-
500 கோடிக்கும் மேல் நிதி பெற்ற மாநில கட்சிகள்:-
- திரிணாமுல் காங்கிரஸ் – ரூ.1,609.53 கோடி
- பாரத் ராஷ்டிர சமிதி – ரூ.1,214.70 கோடி
- பிஜு ஜனதா தளம் – ரூ.775.50 கோடி
- தி.மு.க. – ரூ.639 கோடி
100 கோடிக்கும் மேல் நிதி பெற்ற மாநில கட்சிகள்:-
- ஒய்.எஸ்.ஆர்.காங்கிரஸ் – ரூ.337 கோடி
- தெலுங்கு தேசம் கட்சி – ரூ.218.88
- சிவ சேனா – ரூ.159.38
100 கோடிக்கும் குறைவான நிதி பெற்ற மாநில கட்சிகள்:-
- ராஷ்டிரிய ஜனதா தளம் – ரூ.73.5
- மதச்சார்பற்ற ஜனதா தளம் – ரூ.43.40
- சிக்கிம் கிரந்திகாரி கட்சி – ரூ.36.5
- தேசியவாத காங்கிரஸ் – ரூ.31 கோடி
- ஜன சேனா கட்சி – ரூ.21 கோடி
- சமாஜ்வாடி கட்சி – ரூ.14.05 கோடி
- ஐக்கிய ஜனதா தளம் – ரூ.14 கோடி
- ஜார்க்கண்ட் முக்தி மோர்ச்சா – ரூ.13.5
- அகாலி தளம் – ரூ.7.2 கோடி
- அ.தி.மு.க. – ரூ.6.05 கோடி
- சிக்கிம் ஜனநாயக முன்னணி – ரூ.5.5 கோடி
ஒரு கோடிக்கும் குறைவான நிதியை பெற்ற மாநில கட்சிகள்:-
- மகாராஷ்டிரவாடி கோமந்தக் கட்சி
- ஜம்மு காஷ்மீர் தேசிய மாநாட்டு கட்சி
- கோவா பார்வர்டு கட்சி
