அரசு வங்கியான யூனியன் பாங்க் ஆப் இந்தியாவில், தொழில் பயிற்சி சட்டம் 1961ன் கீழ், 500 அப்ரன்டிஸ் காலிப்பணியிடங்கள் பட்டதாரிகள் நிரப்பப்பட உள்ளன.
தமிழகத்தில் எத்தனை பணியிடங்கள்?
மொத்தம் உள்ள 500 அப்ரன்டிஸ் காலியிடங்களில் தமிழகத்தில் மட்டும் 55 காலிப்பணியிடங்கள் அறிவிக்கப்பட்டுள்ளன. அண்டை மாநிலங்களான, ஆந்திராவில் 50 இடங்களும், கேரளாவில் 22 இடங்களும், கர்நாடகாவில் 40 இடங்களும் உள்ளன.
கல்வி தகுதி & வயது வரம்பு :
பணியில் சேர விரும்புவோர் அரசால் அங்கீகரிக்கப்பட்ட பல்கலையில் ஏதேனும் ஒரு பிரிவில் பட்டப்படிப்பு படித்திருக்க வேண்டும். மேலும், விண்ணப்பம் செய்வோர் 20 முதல் 28 வயதிற்குள் இருக்க வேண்டும்.
எஸ்.சி., எஸ்.டி., பிரிவினருக்கு 5 ஆண்டுகளும், ஒ.பி.சி., பிரிவினருக்கு 3 ஆண்டுகளும், PwBD பிரிவினருக்கு 10 ஆண்டுகளும் வயது வரம்பில் சலுகைகள் வழங்கப்பட்டுள்ளது.
விண்ணப்பக் கட்டணம் :
பொதுப் பிரிவு : ரூ.944
எஸ்.சி., எஸ்.டி, பிரிவு : ரூ.708.
PwBD பிரிவு : ரூ.472
தேர்வு செய்யப்படுவது எப்படி?
ஆன்லைன் தேர்வு மற்றும் நேர்காணல் மூலம் காலிப்பணியிடங்கள் நிரப்பப்படும். https://www.unionbankofindia.co.in/english/home.aspx என்ற இணையதளம் மூலம் ஆன்லைனில் விண்ணப்பிக்க வேண்டும்.
