பிரபல ஹாலிவுட் நடிகர் ஜானி டெப்புக்கு இத்தாலியில் நடைபெறவுள்ள ரோம் சர்வதேச திரைப்பட விழாவில் வாழ்நாள் சாதனையாளர் விருது வழங்கப்பட உள்ளது. 2003-ல் வெளிவந்த “தி பைரேட் ஆப் தி கரீபியன்” திரைப்படத்தில் ஜாக் ஸ்பேரோ கதாபாத்திரத்தில் நடித்து உலக அளவில் பெரும் புகழைப் பெற்றார். தொடர்ந்து இந்த படத்தின் பாகங்களும் வெளியானது, பெரும் வரவேற்பைப் பெற்றது.
பிரபலமான நடிகை ஆம்பர் ஹெட்டை காதலித்து 2015-ல் திருமணம் செய்துகொண்ட ஜானி டெப், பின்னர் விவாகரத்து செய்தது அனைவரும் அறிந்ததே. அவர் கலை உலகில் சாதித்தவற்றுக்காகவே இத்தாலியில் ரோம் சர்வதேச திரைப்பட விழாவில் இந்த விருதினைப் பெறவுள்ளார்.
கடந்த 1997-ல் தி பிரேவ் படத்தை டைரக்டு செய்து இருந்தார். சமீபத்தில் இவரது இயக்கத்தில் ‘மோடி- திரி டேஸ் ஆன் தி விங் ஆப் மேட்னஸ்’ படம் வெளியானது. இந்த நிலையில் ஜானிடெப்புக்கு இத்தாலியில் அடுத்த மாதம் நடைபெறும் ரோம் சர்வதேச திரைப்பட விழாவில் வாழ்நாள் சாதனையாளர் விருது வழங்கப்படும் என்று அறிவிக்கப்பட்டு உள்ளது.
